سونو ایک بار پھر چمکے، گجرات جائنٹس نے بنگلور بلز کو ہرا کر لگاتار دوسری جیت درج کی
احمد آباد، 4 دسمبر (ہ س)۔ گجرات جائنٹس نے اتوار کی رات ای کے اے ایرینا بائے ٹرانس اسٹیڈیامیں بنگلور
سونو ایک بار پھر چمکے، گجرات جائنٹس نے بنگلور بلز کو ہرا کر لگاتار دوسری جیت درج کی


احمد آباد، 4 دسمبر (ہ س)۔ گجرات جائنٹس نے اتوار کی رات ای کے اے ایرینا بائے ٹرانس اسٹیڈیامیں بنگلورو بلز کے خلاف سنسنی خیز جیت درج کی۔ دونوں ٹیموں نے پورے میچ میں برتری برقرار رکھنے کے لیے جدوجہد کی لیکن جائنٹس آخری چند منٹوں میں فیصلہ کن برتری حاصل کرنے میں کامیاب رہے اور میچ 31-34 سے جیت لیا۔ سونو جگلان ایک بار پھر میچ میں 12 پوائنٹس کے ساتھ جائنٹس کے بہترین کھلاڑی کے طور پر ابھرے۔ سونو نے لگاتار دوسری بار 10 سے زیادہ پوائنٹس حاصل کیے ہیں۔

میچ کے ابتدائی منٹ میں نیرج ناروال نے شاندار ریڈ ماری اور اس طرح بلز نے 0-3 کی برتری حاصل کر لی۔ چند لمحوں بعد بھرت نے اپنے ساتھی کی طرح ایک اور کامیاب حملہ کیا اور جائنٹس کو میٹ پر صرف دو کھلاڑیوں تک محدود کردیا۔ حالانکہ ایرانی کھلاڑی محمد نبی بخش نے 5ویں منٹ میں ایک سپر ٹیکل کر کے جائنٹس کو میچ میں برقرار رکھنے میں مدد کی۔ اس کے فوراً بعد سونو نے دو ریڈ پوائنٹ بنائے اور جائنٹس نے آل آوٹ کے خطرے کے ٹالتے ہوئے اسکور کو 5-5 سے برابر کردیا۔

اس کے بعد بھی جائنٹس اور بلز کے درمیان سخت مقابلہ جاری رہا۔ 11ویں منٹ تک اسکور 9-9 سے برابر تھا۔ لیکن وکاس کنڈولا نے شاندار ریڈمار کر جائنٹس کو میٹ پر صرف ایک آدمی تک محدود کردیا۔ چند لمحوں بعد بلز نے پرتیک داہیا کو ٹیکلکیا اور 11-14 پر اچھی برتری حاصل کرنے کے لیے جائنٹس کو آل آوٹ کر دیا۔ بلز کا دفاعی یونٹ مسلسل چمکتا رہا اور پہلے ہاف کے اختتام تک اپنی ٹیم کو 14-20 کی بڑی برتری حاصل کرنے میں مدد کی۔

دوسرے ہاف کے ابتدائی منٹوں میں سونو نے ایک سپر ریڈ مار کر دونوں ٹیموں کے درمیان فاصلہ کم کیا۔ چند لمحوں بعد جائنٹس نے بھرت کو ٹیکل کیا اور بلز کے اسکور کے قریب پہنچ گئے۔ حالانکہ وشال نے نبی بخش کوٹیکل کیا اور 25ویں منٹ میں بلز کو اپنی برتری کو مستحکم کرنے میں مدد کی۔ لیکن، جائنٹس نے لڑنا جاری رکھا اور 27ویں منٹ میں بلز کو آل آوٹ کر کے برتری 23-24 کر دی۔ کینڈولا نے 31 ویں منٹ میں ایک شاندار ریڈ ماری، لیکن جائنٹس نے پھر بھی 24-26 کی برتری برقرار رکھی۔

بھارت نے حالانکہ میچ کومتاثر کرنے والی ایک ریڈ ماری اور نیرج ناروال نے 36ویں منٹ میں بلز کو 27-28 کی برتری دلانے میں مدد کرنے کے لیے ایک ٹیکل پوائنٹ حاصل کیا، لیکن راکیش سنگرویا نے 39ویں منٹ میں شاندار ریڈ مارنے کے بعد بھرت کو ٹیکل کرکے 39ویں منٹ میں جائنٹس کو 30-32 کی برتری دلانے میں مدد کی۔ پھر کیا تھا گھریلو ٹیم نے کھیل کے آخری سیکنڈز میں اپنے کارڈز کو مکمل طور پر کھول دیا اور فاتح کے طور پر میٹ پر جشن منایا۔

ہندوستھان سماچار//سلام


 rajesh pande