اندور، 24 جنوری (ہ س)۔

بھارتی سلامی بلے باز شبھمن گل نے منگل کو بین الاقوامی کرکٹ میں 2000 رنز کا ہندسہ عبور کرلیا۔23 سالہ گل نے یہ کارنامہ اندور کے ہولکر اسٹیڈیم میں نیوزی لینڈ کے خلاف تیسرے اور آخری ون ڈے کے دوران انجام دیا۔گل نے 143.58 کے اسٹرائیک ریٹ سے صرف 78 گیندوں پر 112 رنز کی اننگز کھیلی۔ اس دوران گل نے 13 چوکے اور پانچ چھکے لگائے۔

گل نے 37 میچوں کی 49 اننگز میں 47.62 کی اوسط سے 2048 رنز بنائے ہیں۔ انہوں نے بین الاقوامی کرکٹ میں 208 کے ذاتی بہترین اسکور کے ساتھ پانچ سنچریاں اور نو نصف سنچریاں اسکور کیں۔ٹیسٹ کرکٹ میں گل نے 13 میچوں کی 25 اننگز میں 32.00 کی اوسط سے 736 رنز بنائے ہیں۔ 110 کے بہترین اسکور کے ساتھ ان کی فارمیٹ میں ایک سنچری اور چار نصف سنچریاں ہیں۔گل نے 21 ون ڈے میچوں میں اتنی ہی اننگز میں 73.76 کی اوسط سے 1,254 رنز بنائے ہیں۔ انہوں نے 208 کے بہترین اسکور کے ساتھ فارمیٹ میں چار سنچریاں اور پانچ نصف سنچریاں اسکور کیں۔بلے باز نے ہندوستان کے لیے تین ٹی 20 کھیلے ہیں، تین میچوں میں 19.33 کی اوسط سے 58 رنز بنائے۔گل نے سال 2023 میں ون ڈے میں چھ اننگز میں 113.40 کی اوسط سے 567 رنز بنائے ہیں۔ اس سال ان کے پاس تین ون ڈے سنچریاں اور ایک نصف سنچری ہے جس میں ان کا بہترین اسکور 208 ہے۔

اس میچ میں 23 سالہ گل تین میچوں کی ون ڈے سیریز میں کسی ہندوستانی کے لیے سب سے زیادہ رنز بنانے والے کھلاڑی بن گئے۔ گل نے کیویز کے خلاف تین ایک روزہ میچوں کی سیریز کے تین میچوں میں 180 کی اوسط سے 360 رنز بنائے۔ اس سیریز میں انہوں نے 208 کے بہترین اسکور کے ساتھ دو سنچریاں بنائیں۔اس سے قبل وراٹ کوہلی نے ون ڈے سیریز میں کسی ہندوستانی کی جانب سے سب سے زیادہ رنز بنائے تھے۔ انہوں نے حال ہی میں سری لنکا کے خلاف تین میچوں کی ون ڈے سیریز میں 283 رنز بنائے جس میں دو سنچریاں اور 166 کا بہترین اسکور شامل ہے۔گل نے پاکستان کے کپتان بابر اعظم کے ریکارڈ کی برابری کی جنہوں نے 2016 میں ویسٹ انڈیز کے خلاف تین ایک روزہ میچوں کی سیریز میں 360 رنز بنائے اور ہر میچ میں سنچری اسکور کی۔میچ کی بات کریں تو بھارت نے اوپنر شبھمن گل (112) اور روہت (101) کی شاندار اننگز کی بدولت 50 اوورز میں 9 وکٹوں پر 385 رنز بنائے۔

ہندوستھان سماچارمحمدخان