۔جیوٹرو 5۔جی نیٹ ورک سے جڑے شہروں کی تعداد بڑھ کر 184 ہو گئی

نئی دہلی، 24 جنوری ( ہ س)۔ پرائیویٹ سیکٹر کی سب سے بڑی ٹیلی کام کمپنی ریلائنس جیو نے ملک کے 50 شہروں میں ایک ساتھ ٹرو 5۔جی سروس لانچ کرکے ایک ریکارڈ بنایا ہے۔ اس کے ساتھ ہی جیوٹرو 5۔جی نیٹ ورک سے جڑے شہروں کی تعداد بڑھ کر 184 ہو گئی ہے۔

جیو نے منگل کو 17 ریاستوں اور مرکز کے زیر انتظام علاقوں کے 50 شہروں میں اپنیٹرو 5۔جی خدمات شروع کرنے کا اعلان کیا۔ اس کے ساتھ ہی ریلائنس جیو کی 5 جی ٹرو سروس ملک کے کل 184 شہروں تک پہنچ گئی ہے۔ اس لانچ کے بعد، پانی پت، روہتک، کرنال، سونی پت اور نیشنل کیپیٹل ریجن (این سی آر) کے بہادر گڑھ بھی جیوریلائنس ٹرو 5۔جی سے جڑ گئے ہیں۔

جیوٹرو 5۔جی سے این سی آر شہروں کے ساتھ ہریانہ سے جڑنے والے دیگرشہروں میں امبالہ، حصار اور سرسا ہیں۔ جیوٹرو 5۔جی سروس اتر پردیش کے جھانسی، علی گڑھ، مراد آباد اور سہارنپور میں بھی شروع ہو چکی ہے۔ آندھرا پردیش کے 7 شہر، اڈیشہ کے 6، کرناٹک کے 5، چھتیس گڑھ، تمل ناڈو اور مہاراشٹر کے تین تین، راجستھان اور مغربی بنگال میں دو دو اور آسام، جھارکھنڈ، کیرالہ، پنجاب اور تلنگانہ میں ایک ایک شہر بھیجیوٹرو 5۔جی شہر سے جڑ گئے ہیں۔ اس کے علاوہ گوا اور پڈوچیری میں بھی 5جی سروس شروع ہو چکی ہے۔

جیو نے ایک بیان میں کہا کہ وہ ان شہروں میں بیک وقت 5جی خدمات شروع کرنے والا پہلا اور واحد آپریٹر بن گیا ہے۔ ان شہروں کے جیو صارفین کو جیو ویلکم آفر کے تحت مدعو کیا جائے گا۔ مدعو صارفین کو بغیر کسی اضافی قیمت کے 1 جی پی ایس کی رفتار سے لامحدود ڈیٹا ملے گا۔ اہم بات یہ ہے کہ ریلائنس جیو کاہدف دسمبر-2023 تک ملک بھر میں 5جی سروس لانچ کرنا ہے۔

ہندوستھان سماچار