ٹیکساس سمیت امریکہ بھر میں اسلام اور عیسائیت کے درمیان مساوات کے پیغامات والے ہورڈنگز نظرآرہے ہیں۔ ایسا ہی ایک بینر ہیوسٹن کی ایک مصروف شاہراہ پر نظر آتا ہے۔ جس نے ہزاروں ڈرائیوروں کی توجہ مبذول کرائی۔
جس میں مسلمانوں سے محبت عیسیٰ کا پیغام دیا گیا۔ ہورڈنگز میں سے ایک میں مریم کو حجاب پہنے دکھایا گیا ہے اور نعرہ لکھا ہے -’ مریم نے حجاب پہنا‘۔ کیا آپ اس کا احترام کریں گے؟ ایک اوربینر پر خانہ کعبہ کی تصویر دکھائی گئی۔ اسے مسلمانوں کے نزدیک اسلام کا مقدس ترین مقام سمجھا جاتا ہے۔ اس پر پیغام لکھا تھا’ابراہیم نے تعمیر کیا ، ایک خدا کی عبادت کرو‘۔ لاکھوں مسلمان۔ ہر سال یہاں حج کرنے جاتے ہیں۔
اس حوالے سے رضاکار تنظیم گین پیس کے ایک رضاکار نے ہیوسٹن میں کہا کہ مذاہب کے درمیان یکسانیت کے بارے میں پوچھنے کے لئے انہیں عیسائی لوگوں کی طرف سے بہت سارے فون آرہے ہیں۔ ہم سمجھاتے ہیں کہ مسلمان ہونے کے لئے حضرت عیسی اور مریم میں یقین کرنا ہوگا۔ ہیوسٹن میں ہورڈنگ جنوری کے آخر تک لگارہے گا۔ ضرورت پڑنے پر اس کا وقت آگے بھی بڑھایا جاسکتا ہے۔
گین پیس کے ڈائریکٹر ڈاکٹر سبیل احمد نے کہا ہے کہ اسلام کو اکثر غلط سمجھا جانے والا مذہب سمجھا جاتا ہے۔ اس کی وجہ سے، کچھ لوگ اسلام کے بارے میں متعصبانہ نظریہ رکھتے ہیں، مسلمانوں کے ساتھ امتیازی سلوک اور شکوک و شبہات کا اظہار کرتے ہیں۔ اسی لیے یہ اشتہاری مہم شروع کی گئی ہے۔
ہندوستھان سماچارمحمدخان
