رانی پیٹ، 9 دسمبر (ہ س)۔ آئی این ایس راجالی میں منعقدہ 105 ویں ہیلی کاپٹر ٹریننگ اختتامی تقریب میں 16 بحریہ کے پائلٹوں کوونگزآف گولڈ سے نوازا گیا۔
رانی پیٹ ضلع کے ارکون میں واقع آئی این ایس راجالی ہندوستانی بحریہ کا سب سے بڑا ہیلی کاپٹر تربیتی مرکز ہے۔ ہیلی کاپٹر ٹریننگ اسکول (ایچ ٹی ایس)کی طرف سے 22 ہفتوں کی سخت تربیت مکمل کرنے والے پائلٹوں کے لیے ڈپلومہ کی اسناد تقسیم کرنے کی تقریب کا انعقاد کیا۔
ایسٹرن نیول کمانڈر وائس ایڈمرل سنجے پلا تقریب کے مہمان خصوصی تھے۔ انہوں نے تربیت میں بہترین کارکردگی کا مظاہرہ کرنے والے پائلٹس کو میڈلز اور اسناد پیش کیں۔
خصوصی ایوارڈز میں ونگز آف گولڈایوارڈ 16 نمایاں پائلٹس کو دیا گیا۔ اڑان کی مہارت میں بہترین لیفٹیننٹ آدتیہ سنگھ گورے نے رولنگ ٹرافی حاصل کی۔ مجموعی مہارت میں اوول آنے والے لیفٹیننٹ نکھل تیاگی کو بھی رولنگ ٹرافیفراہم کی گئی۔
قابل ذکر ہے کہ آئی این ایس راجالی نے اب تک 884 پائلٹس کو ہیلی کاپٹر کی جدید تربیت فراہم کی ہے۔ تربیت مکمل کرنے والے نئے پائلٹ جلد ہی بحریہ کی صف اول کی یونٹوں میں شامل ہو ں گے۔
ہندوستھان سماچار
ہندوستان سماچار / محمد شہزاد
