نوئیڈا، 09 دسمبر (ہ س)۔ ہر سال کی طرح یمنا ایکسپریس وے پر کوہرے کے چلتے گاڑیوں کے لیے اسپیڈ لمٹ میں تبدیلی کرنے کی تیاری ہے۔ بتایا جا رہا ہے کہ 15 دسمبر سے نئی اسپیڈ لمٹ نافذ ہو جائے گی۔ یمنا ڈیولپمنٹ اتھارٹی کی جانب سے ابھی معاملے میں کوئی خط و کتابت نہیں کی گئی ہے۔

سردیوں میں کوہرے کی وجہ سے سڑکوں پر وزیبلٹی کم ہونے سے گاڑی چلانا مشکل ہو جاتا ہے۔ سردی کی وجہ سے سڑکوں پر پھسلن رہنے سے حادثہ ہونے کا خدشہ بنا رہتا ہے۔ کسی بھی ناخوشگوار واقعے سے بچنے کے لیے یمنا ایکسپریس وے پر اسپیڈ لمٹ کم کرنے کا منصوبہ بنایا ہے اور اسے 15 دسمبر سے نافذ کرنے پر غور ہے۔ انتظامیہ نے سردیوں کے چلتے ہلکی گاڑیوں کے لیے اسپیڈ لمٹ 100 کلومیٹر سے گھٹا کر 75 کلومیٹر اور بھاری گاڑیوں کے لیے 80 سے گھٹا کر 60 کلومیٹر فی گھنٹے کرنے کی تیاری کی ہے۔ یمنا ایکسپریس وے کے سینئر منیجر جے کے شرما نے آج بتایا کہ 15 دسمبر تک ردوبدل کیا جا سکتا ہے۔ اس کے لیے اتھارٹی کی خط و کتابت کا انتظار ہے۔

ہندوستھان سماچار

---------------

ہندوستان سماچار / انظر حسن