نئی دہلی، 9 دسمبر (ہ س): قومی انسانی حقوق کمیشن (این ایچ آر سی) کے چیئرپرسن جسٹس وی راما سبرامنیم نے کہا کہ انسانیت کو موسمیاتی تبدیلی، ماحولیاتی انحطاط، تنازعات اور دہشت گردی جیسے چیلنجوں کا سامنا ہے، جن سے نمٹنے کے لیے سرحدوں اور نسلوں کے درمیان یکجہتی کی ضرورت ہے۔
انسانی حقوق کے عالمی دن سے ایک دن قبل قوم کے نام اپنے پیغام میں جسٹس راما سبرامنیم نے کہا کہ انسانی حقوق ہماری روزمرہ کی زندگی کے لیے بنیادی حیثیت رکھتے ہیں، ہمیں آزادی سے بات کرنے، وقار کے ساتھ جینے اور خوف کے بغیر خواب دیکھنے کی اجازت دیتے ہیں۔ انہوں نے لوگوں سے اپیل کی کہ وہ انسانی حقوق کے لیے اٹھ کھڑے ہوں۔ تین دہائیوں سے زیادہ عرصے سے، این ایچ آر سی ملک میں انسانی حقوق کے تحفظ، کمزور گروہوں کے حقوق کے تحفظ اور عالمی پلیٹ فارمز پر ان کی تشہیر کے لیے سرگرم عمل ہے۔ کمیشن، آئین کی اقدار اور انسانی حقوق کے عالمی اعلامیے سے متاثر ہو کر، ہر فرد کے وقار اور مساوات کے تحفظ کے لیے پرعزم ہے۔
انہوں نے کہا کہ 10 دسمبر کو انسانی حقوق کے عالمی دن کے طور پر منایا جاتا ہے جو کہ 1948 میں اقوام متحدہ کے ذریعہ انسانی حقوق کے عالمی اعلامیہ (یو ڈی ایچ آر) کو اپنائے جانے کی یاد میں منایا جاتا ہے۔ ہندوستان نے اس اعلامیہ کو تیار کرنے اور اس میں وقار، انصاف اور مساوات جیسی اقدار کو شامل کرنے میں کلیدی کردار ادا کیا، جو ہماری تہذیبوں میں گہرای سے پیوست ہیں۔
---------------
ہندوستان سماچار / عبدالسلام صدیقی
