ناندیڑ ، 9 دسمبر(ہ س) ناندیڑ کے مہور تعلقہ
کے شیکپور گاؤں میں ضلع پریشد اسکول کے استاد اننت ورما کو اس وقت معطل کر دیا گیا
جب ایک ویڈیو میں انہیں مبینہ طور پر شراب کے زیر اثر طلباء کے سامنے رقص کرتے
ہوئے دیکھا گیا۔ واقعہ کے منظر عام پر آنے کے ساتھ ہی ضلع پریشد انتظامیہ نے
کارروائی کرتے ہوئے انہیں فوری طور پر نوکری سے برطرف کر دیا۔
ویڈیو میں
دکھایا گیا کہ استاد نشے کی حالت میں کلاس میں داخل ہوئے اور بچوں کے سامنے غیر
معمولی حرکات کا مظاہرہ کیا، جس سے طلباء خوفزدہ ہو کر کلاس سے بھاگ نکلے۔ ایک
والد نے پورا واقعہ موبائل فون سے ریکارڈ کیا اور اسے متعلقہ حکام تک پہنچایا، جس
کے بعد معاملہ سنجیدگی سے لیا گیا۔
اس
سلسلے میں مہور کے گروپ ایجوکیشن آفیسر نے محکمۂ تعلیم کو تحریری رپورٹ روانہ کی۔
رپورٹ موصول ہونے پر چیف ایگزیکٹو آفیسر میگنا کاوالی نے معطلی کا حکم جاری کیا
اور لکھا کہ ورما نے مہاراشٹر ضلع پریشد ڈسٹرکٹ سروس (کنڈکٹ) رولز کی خلاف ورزی کی
ہے، جو ایک انتہائی سنگین معاملہ ہے۔
حکام نے
یہ بھی کہا کہ معاملہ مزید زیر غور ہے اور اضافی تادیبی کارروائی کی جا سکتی ہے۔
ہندوستھان
سماچار
ہندوستان سماچار / جاوید این اے
09 Dec 2025
