گیاجی،9 دسمبر(ہ س)۔ بہار کے گیا میں پولیس نے ایک بڑی کامیابی حاصل کی ہے۔ گیا ریلوے اسٹیشن سے بدنام زمانہ کنٹریکٹ کلر امر کمار راجہ عرف بابا کو گرفتار کر لیا گیا۔ اس کے سر پر 50 ہزار روپے انعام کا اعلان کیا گیا۔ یہ مجرم عرصہ دراز سے مفرور تھا اور پولیس کو مسلسل چکمہ دے رہا تھا۔

مجرم امر کمار عرف بابا گیا ضلع کے ٹاپ 10 بدنام زمانہ مجرموں میں شامل تھا۔ وہ امام گنج پولیس سب ڈویژن کے بوڈھی بیگھہ تھانہ علاقے کا رہنے والاہے۔ پولیس کئی سالوں سے اس کی تلاش میں تھی۔ اس کے خلاف قتل، لوٹ اور کئی دیگر سنگین مقدمہ درج ہے۔

ڈی ایس پی کملیش کمار نے بتایا کہ دسمبر 2024 میں بوڈھی بیگھا تھانہ علاقے میں ایک خاتون کا قتل کیا گیا تھا (مقدمہ نمبر 79/24)۔ تفتیش سے معلوم ہوا کہ خاتون کے شوہر نے قتل کو انجام دینے کے لیے ایک شخص کی خدمات حاصل کی تھیں۔ امر کمار عرف بابا نے 35 ہزار روپے کی پیشگی ادائیگی لی اور پھر خاتون کو گولی مار کر قتل کر دیا۔ وہ اس معاملے کا کلیدی ملزم تھا۔

10 دسمبر 2024 کو رام پور اور بودی آہر گاؤںکے درمیان ایس ایچ 69 پر ایک جوڑے کو لوٹنے کے دوران اپنی بیوی کو گولی مار کر قتل کر دیا۔ شریک ملزم آکاش کمار کو ابتدائی طور پر اورنگ آباد میں گرفتار کیا گیا تھا۔ آکاش کی اطلاع کی بنیاد پر قتل کا اسلحہ برآمد کیا گیا۔ امر کمار ماسٹر مائنڈ تھا، جو ایک سال سے مفرور تھا۔

سینئرسپرنٹنڈنٹ آف پولیس کی ہدایت پر امام گنج سب ڈویزنل پولیس افسر کملیش کمار کی قیادت میں ایک خصوصی ٹیم تشکیل دی گئی۔ تکنیکی تحقیقات اور انٹیلی جنس کی بنیاد پر ٹیم نے گیا ریلوے اسٹیشن سے امر کمار عرف بابا کو گرفتار کیا۔ گرفتاری کے وقت وہ فرار ہونے کی کوشش کر رہا تھا۔

ضلع میں کنٹریکٹ کلر کے طور پر بدنام امر کمار عرف بابا کا نام جرائم کی دنیا میں بھی دہشت پھیلاتا تھا۔ اس کی گرفتاری سے عام لوگوں کو راحت ملی ہے۔ پولیس اب باقی شریک ملزمین کی تلاش کر رہی ہے۔

گیا پولیس مسلسل جرائم پر قابو پانے کی کارروائیاں کر رہی ہے۔ امر کمار کی گرفتاری سےضلعی سطح پر مطلوب مجرموں کی فہرست میں 50،000 روپے کے انعام کے ساتھ شامل تھا، پولیس کو اہم راحت پہنچا ہے۔ ایس ایس پی کی ہدایات پر ضلع بھر میں مطلوب اشتہاریوں اور مفرور ملزمین کے خلاف چھاپہ ماری کا سلسلہ تیز کر دیا گیا ہے۔

ہندوستھان سماچار

ہندوستان سماچار / Mohammad Afzal Hassan