واشنگٹن،09دسمبر(ہ س)۔فلوریڈا کی ریاست نے ’اخوان المسلمون‘ اور’امریکی اسلامی تعلقات کونسل‘ کو دہشت گرد تنظیمیں قرار دیا ہے۔فلوریڈا کے حکام نے اپنی تمام ایجنسیوں کو ہدایت کی ہے کہ وہ دونوں تنظیموں کی کسی بھی غیر قانونی سرگرمی کو روکنے کے لیے تمام قانونی اقدامات کریں، جن میں کوئی بھی ادارہ جو انہیں مالی معاونت فراہم کرتا ہے، اسے حکومتی فوائد یا وسائل سے محروم کرنا بھی شامل ہے۔یاد رہے کہ امریکی صدر ڈونلڈ ٹرمپ نے چند روز قبل ایک ایگزیکٹو آرڈر پر دستخط کیے تھے، جس کے تحت اخوان المسلمون کی کچھ شاخوں کو ’غیر ملکی دہشت گرد تنظیمیں‘ قرار دینے کے اقدامات شروع کیے جائیں گے۔ایگزیکٹو آرڈر میں کہا گیا: یہ آرڈر ایک ایسا عمل شروع کرتا ہے جس کے تحت اخوان المسلمون کی کچھ شاخوں یا ذیلی شعبوں کو غیر ملکی دہشت گرد تنظیمیں قرار دیا جائے گا اور خاص طور پر لبنان، مصر اور اردن میں اخوان المسلمون کی شاخوں کی نشاندہی کی گئی ہے۔

ہندوستھان سماچار

ہندوستان سماچار / Mohammad Khan