دہرادون، 2 نومبر (ہ س)۔ صدر جمہوریہ دروپدی مرمو آج سے 4 نومبر تک اتراکھنڈ کے ہریدوار، دہرادون اور نینی تال کے دورے پر رہیں گی۔ تینوں اضلاع ہائی الرٹ پر رہیں گے۔

آج صدر جمہوریہ ہریدوار میں پتنجلی یونیورسٹی کے دوسرے کانووکیشن میں شرکت کریں گی۔ کانووکیشن یونیورسٹی کے مین آڈیٹوریم میں صبح 10.30 بجے شروع ہوگا جس میں گورنر لیفٹیننٹ جنرل گرمیت سنگھ، وزیر اعلیٰ پشکر سنگھ دھامی، پتنجلی یونیورسٹی کے چانسلر سوامی رام دیو اور پتنجلی یونیورسٹی کے وائس چانسلر آچاریہ بال کرشنا تقریب میں موجود ہوں گے۔

تقریب میں 54 طلباء کو گولڈ میڈل سے نوازا جائے گا۔ 62 ریسرچ اسکالرز کو پی ایچ ڈی، 3 اسکالرز کو ڈی لٹ اور 744 گریجویٹس اور 615 پوسٹ گریجویٹ سمیت کل 1424 طلباء کو ڈگریاں دی جائیں گی۔

صدر جمہوریہ کے دورہ کے پیش نظر ریاست میں سیکورٹی بڑھا دی گئی ہے۔ ڈائرکٹر جنرل آف پولیس دیپم سیٹھ سیکورٹی انتظامات پر کڑی نظر رکھے ہوئے ہیں۔

ہندوستھان سماچار

---------------

ہندوستان سماچار / انظر حسن