نئی دہلی، 14 نومبر (ہ س)۔

وزیر اعظم نریندر مودی 15 نومبر کو گجرات کے نرمدا ضلع میں قبائلی فخر کے دن دھرتی آبا برسا منڈا کے 150 ویں یوم پیدائش کی تقریبات میں شرکت کریں گے۔ اس دوران وہ 9,700 کروڑ روپے سے زیادہ کے ترقیاتی منصوبوں کا افتتاح اور سنگ بنیاد بھی رکھیں گے۔

پی ایم او کے مطابق، وزیر اعظم تقریباً 12:45 بجے دیوموگرا مندر میں پوجا اور درشن کریں گے، پھر تقریباً 2:30 بجے ڈیڈیاپڈا پہنچ کر پروگرام میں حصہ لیں گے اور لوگوں سے خطاب کریں گے۔ اس کے بعد وزیر اعظم مودی 1,900 کروڑ روپے کی لاگت سے بنائے گئے قبائلی طلبائ کے لیے 42 ایکلویہ ماڈل ہاسٹل اسکولوں کا بھی افتتاح کریں گے۔ مزید برآں، 228 کثیر المقاصد مراکز کمیونٹی سرگرمیوں کے مرکز بن جائیں گے۔

اس کے علاوہ وزیراعظم 748 کلومیٹر نئی سڑکوں کا سنگ بنیاد رکھیں گے۔ دھرتی آبا قبائلی گاو¿ں اتکرش ابھیان کے تحت 14 قبائلی ملٹی مارکیٹنگ مراکز بنائے جائیں گے۔ وہ 2,320 کروڑ روپے سے زیادہ کی لاگت والے 50 نئے ایکلویہ ماڈل اسکولوں کا سنگ بنیاد بھی رکھیں گے۔

ہندوستھان سماچار

ہندوستان سماچار / عطاءاللہ