نئی دہلی، 14 نومبر (ہ س)۔ بہار اسمبلی انتخابات کے نتائج آنا شروع ہو گئے ہیں، نیشنل ڈیموکریٹک الائنس (این ڈی اے) 200 سے زیادہ سیٹوں پر جیت کی راہ پر گامزن ہے۔ بھارتیہ جنتا پارٹی اکیلے 92 سیٹوں پر آگے ہے۔ بی جے پی کے قومی صدر جے پی نڈا نے بہار کے عوام کو این ڈی اے کی شاندار جیت پر مبارکباد دی ہے۔ اپوزیشن مہاگٹھ بندھن پر سخت حملہ کرتے ہوئے نڈا نے کہا کہ بہار کے عوام نے اپوزیشن اتحاد کے جنگل راج اور بدعنوانی کو مکمل طور پر مسترد کر دیا ہے۔

جمعہ کو ایکس پر اپنے پیغام میں جے پی نڈا نے لکھا کہ بہار میں نیشنل ڈیموکریٹک الائنس (این ڈی اے) کو ملنے والی تاریخی عوامی حمایت وزیر اعظم نریندر مودی اور وزیر اعلیٰ نتیش کمار کی قیادت میں ڈبل انجن والی حکومت کی ترقی پر مبنی اور عوامی بہبود کی پالیسیوں پر عوام کے اعتماد کی مہر ہے۔

یہ بھاری اکثریت اس بات کا ثبوت ہے کہ بہار کے عوام نے اپوزیشن مہاگٹھ بندھن کے جنگل راج اور بدعنوانی کو مکمل طور پر مسترد کر دیا ہے اور این ڈی اے کی گڈ گورننس، استحکام اور ترقی کو قبول کر لیا ہے۔

---------------

ہندوستان سماچار / عبدالسلام صدیقی