تاریخ کے آئینے میں 15 نومبر : بھگوان برسا منڈا کا یومِ پیدائش اور جھارکھنڈ کا یوم تاسیس

15 نومبر، 1875 کو جھارکھنڈ کے رانچی ضلع کے الیہاتو گاوں میں بھگوان برسا منڈا کی پیدائش ہوئی تھی۔ وہ ہندوستان کے مشہور عوامی رہنما، مجاہد آزادی اور قبائلی تحریک کے پیش رو سمجھے جاتے ہیں۔

برسا منڈا نے برطانوی حکومت اور زمینداری نظام کے خلاف قبائلی معاشرے کو منظم کر کے ایک بڑی تحریک چلائی، جسے تاریخ میں ’’الگولان‘‘ (عظیم تحریک) کے نام سے جانا جاتا ہے۔ اس تحریک نے نہ صرف نوآبادیاتی حکمرانی کو چیلنج کیا بلکہ قبائلی عزت نفس اور حقوق کا احساس بھی بیدار کیا۔

ان کے منفرد کردار اور قربانی کے اعزاز میں حکومت ہند نے 15 نومبر کو ’’جنجاتیہ گورو دیوس‘‘ (قبائلی یوم وقار) کے طور پر منانے کا اعلان کیا ہے۔ اس دن ملک بھر میں قبائلی برادریوں کی ثقافت، جدوجہد اور خدمات کو یاد کیا جاتا ہے۔

مزید یہ کہ ریاست جھارکھنڈ کا قیام 15 نومبر 2000 کو برسا منڈا کے یوم پیدائش کے موقع پر کیا گیا تھا۔ لہٰذا، یہ دن جھارکھنڈ کے لوگوں کے لیے دوہری فخر اور جشن کی علامت ہے- ایک طرف، ان کے عظیم ہیرو، برسا منڈا کا یوم پیدائش اور دوسری طرف، ریاست کا یوم تاسیس۔ ’’ابوا دسم، ابوا راج‘‘ (ہمارا ملک، ہماری حکومت)یہبرسا منڈا کا نعرہ اب بھی جھارکھنڈ کی شناخت اور عزت نفس کی علامت ہے۔

دیگر اہم واقعات:

1830 - سماجی مصلح راجہ رام موہن رائے انگلینڈ کے لیے روانہ ہوئے۔

1866 – ہندوستان کی پہلی خاتون بیرسٹر کارنیلیا سورابجی پیدا ہوئیں۔

1920 - جنیوا میں لیگ آف نیشنز کا پہلا اجلاس منعقد ہوا۔

1936 - نازی جرمنی اور جاپان کے درمیان کومنٹرن مخالف معاہدے پر دستخط ہوئے۔

1947 - عالمی صحت تنظیم (ڈبلیو ایچ او) اقوام متحدہ کا مخصوص ادارہ بن گیا۔

1949 - مہاتما گاندھی کے قاتل ناتھورام گوڈسے اور نارائن دتاتیریہ آپٹے کو پھانسی دی گئی۔

1961 - اقوام متحدہ نے جوہری ہتھیاروں پر پابندی لگائی۔

1982 - سماجی کارکن وینو بھاوے –کا انتقال ہوا۔

1986 – مشہور ہندوستانی ٹینس کھلاڑی ثانیہ مرزا پیدا ہوئیں۔

1988 - پی ایل او کے صدر یاسر عرفات نے فلسطین کو آزاد ملک کے طور پر اعلان کیا۔

1989 - پاکستان کے کراچی میں وقار یونس اور سچن تیندولکر نے ٹیسٹ کرکٹ میں آغاز کیا۔

2000 - جھارکھنڈ ہندوستان کا 28واں صوبہ بنا۔

2001 - القاعدہ کے ٹھکانے سے جوہری بم بنانے سے متعلق دستاویزات ملے۔

2003 - ترکیہ کے استنبول شہر میں یہودیوں کی عبادت گاہ کے پاس بم دھماکے میں 16 افراد ہلاک اور 150 زخمی۔

2004 - آسٹریلیا کے نام کے دو سوویں سالگرہ منائی گئی۔

2004 - امریکی وزیر خارجہ کولن پاول نے اپنے عہدے سے استعفیٰ دیا۔

2007 - چلی میں 7.7 شدت کا شدید زلزلہ آیا۔

2007 - اریانا-5 راکٹ نے برطانیہ اور برازیل کے مواصلاتی سیارچے کو خلا میں نصب کیا۔

2008 - ریزرو بینک آف انڈیا کے سابق گورنر وائی وینوگوپال ریڈی کو اقوام متحدہ کی طرف سے عالمی مالیاتی نظام کی اصلاحات کا جائزہ لینے کے لیے قائم کردہ ٹاسک فورس میں شامل کیا گیا۔

2008 - یوگیندر مکبال نے نیشنل بہوجن کانگریس کے نام سے نئی پارٹی بنائی۔

2012 - شی جن پنگ چین کی کمیونسٹ پارٹی کے جنرل سکریٹری بنے۔

ہندوستھان سماچار

---------------

ہندوستان سماچار / انظر حسن