نئی دہلی، 14 نومبر (ہ س): انفورسمنٹ ڈائریکٹوریٹ (ای ڈی) نے جمعہ کو 82.53 کلو گرام کوکین کی اسمگلنگ کے سلسلے میں دہلی-این سی آر اور جے پور، راجستھان میں پانچ مقامات پر بیک وقت چھاپے مارے۔

سرکاری ذرائع نے بتایا کہ مرکزی تحقیقاتی ایجنسی منی لانڈرنگ کی روک تھام کے قانون (پی ایم ایل اے) 2002 کے دفعات کے تحت ان شہروں میں کم از کم پانچ مقامات کی تلاشی لے رہی ہے۔ ای ڈی کی متعدد ٹیموں نے، مقامی پولیس یونٹوں کے ساتھ مل کر، صبح 7 بجے کے قریب چھاپے مارنے شروع کیے، یہ کارروائی ایک مشتبہ بین الاقوامی منشیات کے نیٹ ورک کے خلاف جاری تحقیقات کا حصہ ہے جو بھارت میں کوکین کی اعلیٰ کھیپ بھیجنے کے لیے ذمہ دار ہے۔ ای ڈی کی تازہ ترین کارروائی حالیہ مہینوں میں ملک بھر میں منشیات کے کئی ہائی پروفائل نیٹ ورک پکڑے جانے کے درمیان سامنے آئی ہے۔

---------------

ہندوستان سماچار / عبدالسلام صدیقی