نگروٹہ اسمبلی حلقہ سے ابتدائی رجحانات میں بی جے پی آگے

جموں، 14 نومبر (ہ س)۔ جموں ضلع کے نگروٹہ اسمبلی حلقہ کے ضمنی انتخاب میں ووٹوں کی گنتی کے پہلے مرحلے نے بی جے پی کے لیے حوصلہ افزا نتائج سامنے لائے ہیں، جہاں پارٹی کی امیدوار دیویانی رانا نے 1,111 ووٹوں کی واضح برتری حاصل کرلی ہے۔

موصولہ تفصیلات کے مطابق، دیویانی رانا نے اب تک 2,477 ووٹ حاصل کیے ہیں، جب کہ پینتھرز پارٹی کے امیدوار ہرش دیو سنگھ 1,366 ووٹوں کے ساتھ دوسرے نمبر پر ہیں۔ادھر نیشنل کانفرنس (این سی) کی امیدوار شمیم بیگم 1,110 ووٹوں کے ساتھ تیسرے نمبر پر ہیں۔

ابتدائی رجحانات کے مطابق مقابلہ بی جے پی اور پینتھرز پارٹی کے درمیان سخت رہنے کا امکان ظاہر کیا جا رہا ہے، تاہم حتمی نتائج گنتی مکمل ہونے کے بعد ہی سامنے آئیں گے۔

ہندوستھان سماچار

---------------

ہندوستان سماچار / محمد اصغر