نئی دہلی، 12 نومبر (ہ س)۔ وزیر اعظم نریندر مودی نے بدھ کے روز بھوٹان کی راجدھانی تھمپو میں بھوٹان کے چوتھے شاہ عزت مآب جگمے سنگے وانگچک سے ملاقات کی۔ وزیر اعظم نے چوتھے شاہ کو ان کی 70ویں سالگرہ پر مبارکباد دی اور حکومت ہند اور ہندوستانی عوام کی جانب سے ان کی اچھی صحت اور لمبی عمر کی خواہش کی۔

وزیر اعظم مودی نے ہندوستان بھوٹان دوستی کو مضبوط بنانے میں چوتھے شاہ کی قیادت، رہنمائی اور مشورہ کے لیے شکریہ ادا کیا۔ گفتگو کے دوران انہوں نے باہمی تعلقات اور باہمی دلچسپی کے امور پر تبادلہ خیال کیا۔ انہوں نے ہندوستان اور بھوٹان کے لوگوں کے درمیان گہرے روحانی اور ثقافتی رشتوں کو اجاگر کیا جو دونوں ممالک کو قریب لاتے ہیں۔

وزیر اعظم مودی نے بھوٹان کے شاہ، چوتھے شاہ اور بھوٹان کے وزیر اعظم کے ساتھ تھمپو کے چانگلیمیتھنگ اسٹیڈیم میں منعقدہ گلوبل پیس پریئر فیسٹیول میں بھی شرکت کی۔ یہ تقریب کالچکر کی شروعات کی تقریب کا حصہ تھی، جس کی صدارت بھوٹان کے اعلیٰ مذہبی پیشوا جی کھنپو نے کی۔

ہندوستھان سماچار

---------------

ہندوستان سماچار / عبدالواحد