ممبئی،

12 نومبر (ہ س)۔ معروف بالی ووڈ اداکار گووندا کی طبیعت منگل کی رات اچانک خراب ہو

گئی جس کے بعد انہیں فوری طور پر ممبئی کے کرٹیکیئر ایشیا اسپتال میں داخل کرایا گیا۔

بتایا گیا ہے کہ وہ گھر پر بے ہوش ہو کر گر پڑے تھے۔ اہل خانہ نے فوری طور پر

ڈاکٹر کو بلایا، جس کے مشورے پر انہیں اسپتال منتقل کیا گیا جہاں فی الحال ان کا

علاج جاری ہے۔

اداکار

کے وکیل اور قریبی ساتھی للت بندل نے بتایا کہ اسپتال میں ڈاکٹروں کی ایک خصوصی ٹیم

ان کی مسلسل نگرانی کر رہی ہے۔ متعدد میڈیکل ٹیسٹ کیے گئے ہیں جن کی رپورٹس کا

انتظار ہے۔ بندل نے کہا کہ ’’گووندا اب خطرے سے باہر ہیں، لیکن مکمل صحت یابی کے لیے

انہیں آرام کی ضرورت ہے۔‘‘

اداکار

کے اچانک بیمار ہونے کی خبر نے ان کے مداحوں اور بالی ووڈ برادری میں تشویش کی لہر

دوڑا دی ہے۔ سوشل میڈیا پر مداح ان کی جلد صحت یابی کے لیے دعا گو ہیں۔

گووندا

نے حال ہی میں اپنی نئی فلم ’دنیاداری‘ کے منصوبے کا اعلان کیا تھا جس پر وہ رواں

سال کے دوران کام کر رہے تھے۔ وہ 2019 میں ریلیز ہونے والی فلم ’رنگیلا راجہ‘ میں

آخری بار نظر آئے تھے۔

ہندوستھان

سماچار

--------------------

ہندوستان سماچار / جاوید این اے