امپھال، 12 نومبر (ہ س)۔ منی پور پولیس نے ریاست کے مختلف اضلاع میں سرگرم عسکریت پسند تنظیموں کے چار ارکان کو گرفتار کیا ہے۔ گرفتار ملزموں میں ایک خاتون بھی شامل ہے جو پرائیویٹ اسکولوں سے جبری وصولی میں ملوث ہے۔

پولیس نے بدھ کے روز کہا کہ تھونگم آنند سنگھ عرف ایکو (33) کو امپھال مغربی ضلع کے مایانگ امپھال پولیس اسٹیشن کے دائرہ اختیار میں سیکمائیجن تھونگم میں واقع اس کی رہائش گاہ سے گرفتار کیا گیا ہے۔ اس کے بارے میں کہا جاتا ہے کہ وہ کالعدم تنظیم پریپاک (پی آر او) کا خود ساختہ سارجنٹ میجر ہے اور ضلع کاکچنگ میں جبری وصولی میں ملوث تھا۔ پولیس نے اس کے پاس سے ایک موبائل فون ضبط کرلیا۔

ایک اور چھاپے میں، پولیس نے تھوکچوم بیجوئے سنگھ عرف بھوفین، بائیک، تائی، کھیڑا (56) کو گرفتار کیا، جو آر پی ایف/پی ایل اے تنظیم کا خود ساختہ لانس کارپورل ہے۔ اسے تھوبل ضلع کے یاریپوک کاکمائی ماننگ لیکائی سے گرفتار کیا گیا۔ وہ اصل میں بشنو پور ضلع کے تھیننگئی آوانگ لیکائی کا رہنے والا ہے اور سرکاری ملازمین سے پیسے بٹورنے میں ملوث تھا۔ پولیس نے اس کے پاس سے ایک موبائل فون اور دو سم کارڈ برآمد کئے۔

آپریشن کو جاری رکھتے ہوئے، پولیس نے آر پی ایف/پی ایل اے کے مزید دو فعال ارکان کو جیری بام ضلع کے ڈیبونگ سناکھونگ علاقے میں ان کے گھروں سے گرفتار کیا۔ ان کی شناخت سنتوش بورون (30) اور مسز ہودم (او) مورومی دیوی (31) کے طور پر کی گئی ہے۔ دونوں پر پرائیویٹ اسکولوں سے جبری وصولی کا الزام ہے۔

ان گرفتاریوں کے بعد، پولیس نے کہا کہ عسکریت پسند تنظیموں کے بھتہ خوری کے نیٹ ورک کے بارے میں مکمل تفتیش جاری ہے۔

ہندوستھان سماچار

---------------

ہندوستان سماچار / عبدالواحد