ضلع کونسلر کے بھائی سمیت 18 مار پیٹ کرنے والے گرفتار

نوادہ، 12 نومبر (ہ س)۔ بہار اسمبلی انتخابات کے دوران نوادہ ضلع کے وارث گنج تھانہ علاقے کے کوٹری گاوں میں قائم پولنگ مرکز کے باہر کچھ فاصلے پر سینکڑوں افراد کے غیر قانونی طور پر جمع ہو کر ہنگامہ، مارپیٹ اور پولیس گاڑی کے شیشے توڑنے کے معاملے میں پولیس نے بدھ کے روز ضلع کونسلر انجنی سنگھ کے بھائی سنجیو سمیت 18 افراد کو گرفتار کر لیا ہے۔

گرفتار کیے گئے 18 افراد میں کوٹری گاوں کے اشوک کمار، گڈو کمار، اندر جیت رام، روشن کمار، بھارت کمار، سنجیو کمار، شبھم کمار، لکشمن کمار، سونو کمار عرف ونے، رادھے شیام پانڈے عرف آلوک، ہمانشو کمار اور دیوکانت کمار شامل ہیں۔ بعد میں جے ایس آئی دیونارائن گپتا کی درخواست پر نامزد ملزم بنایا گیا۔ جبکہ 70 نامعلوم افراد کے خلاف بھی ایف آئی آر درج کی گئی تھی۔

تھانے کو دی گئی درخواست میں کہا گیا ہے کہ بُتھ کے باہر جمع ہونے والے افراد بلا وجہ پولیس سے الجھ گئے اور پیٹرولنگ پارٹی کے ساتھ بُتھ پر پہنچی گاڑی کو نقصان پہنچایا۔ اس معاملے میں گاڑی کے کنڈکٹر، ضلع شیخ پورہ کے رہائشی امیش چودھری نے بھی ایک درخواست دے کر گرفتار افراد کے خلاف ایف آئی آر درج کروائی ہے۔ادھر دوسرے معاملے میں مافی گاوں کے قریب پیش آئے ایک جھڑپ کے سلسلے میں جن سوراج کے اُمیدوار امیش پرساد یادو اور ضلع کے کاشی چک تھانہ علاقے کے ریوڑا گاوں کے رہائشی لال موہن شرما کی درخواست پر الگ الگ ایف آئی آر درج کی گئی ہے، جن میں دونوں نے ایک دوسرے پر مارپیٹ کا الزام لگایا ہے۔اسی دوران شراب پی کر ہنگامہ کر رہے چار افراد کو گرفتار کر کے جیل بھیج دیا گیا۔ اس کی اطلاع تھانہ انچارج پنکج کمار سینی نے دی۔

ہندوستھان سماچار

---------------

ہندوستان سماچار / انظر حسن