جے پور، یکم نومبر (ہ س)۔

ممبئی کے نوجوان اوپنر یشسوی جیسوال نے شاندار واپسی کرتے ہوئے رنجی ٹرافی کے تیسرے راو¿نڈ میں راجستھان کے خلاف 67 رنز بنائے۔ سوائی مان سنگھ اسٹیڈیم میں کھیلے گئے میچ میں جیسوال نے 97 گیندوں کا سامنا کرتے ہوئے آٹھ چوکے اور ایک چھکا لگایا۔ وہ انیکیت چودھری کی گیند پر وکٹ کیپر کے ہاتھوں کیچ آو¿ٹ ہوئے۔

جیسوال نے ساتھی اوپنر مشیر خان کے ساتھ مل کر پہلی وکٹ کے لیے 100 رنز کی اہم شراکت داری کرتے ہوئے ممبئی کو مضبوط آغاز فراہم کیا۔ جیسوال کی اننگز نے وہی اعتماد اور تال کا مظاہرہ کیا جو انہیں گھریلو کرکٹ میں خاص بناتا ہے۔

اس سال کے شروع میں جیسوال نے ڈومیسٹک کرکٹ میں گوا کے لیے کھیلنے کے اپنے ارادے کا اعلان کیا تھا، لیکن بعد میں اپنا ارادہ بدل لیا اور ممبئی کے ساتھ رہنے کا فیصلہ کیا۔

اس وقت ممبئی نے اپنی پہلی اننگز میں 34 اوور میں 1 وکٹ پر 107 رن بنائے تھے۔ مشیر خان 32 اور کپتان اجنکیا رہانے 3 رنز پر کریز پر تھے۔ ممبئی اب ابتدائی برتری حاصل کرنے کے لیے پہلی اننگز میں بڑا اسکور بنانے کی کوشش کرے گا۔

ہندوستھان سماچار

ہندوستان سماچار / عطاءاللہ