جنیوا، یکم نومبر (ہ س)۔ اقوام متحدہ کے انسانی حقوق کے دفتر نے سوڈان میں باغی مسلح افواج کے ہاتھوں بڑے پیمانے پر ہلاکتوں کی وجہ سے تیزی سے بگڑتے ہوئے انسانی بحران پر تشویش کا اظہار کیا ہے۔

اطلاعات کے مطابق سوڈان میں ریپڈ سپورٹ فورسز (آر ایس ایف ) نے اکتوبر کے اواخر میں الفشیر قصبے پر قبضہ کرنے کے بعد بڑے پیمانے پر ہلاکتیں کی ہیں۔ دفتر نے کہا کہ اس کے پاس معتبر رپورٹس ہیں۔

اقوام متحدہ کے ایک اہلکار نے کہا کہ ہمیں سوڈان میں جاری تشدد کے دوران فرار ہونے میں کامیاب ہونے والے لوگوں کی متعدد تصاویر ملی ہیں جو کہ بین الاقوامی انسانی قانون کی سنگین خلاف ورزیوں کو ظاہر کرتی ہیں۔

سوڈان میں حکومتی سکیورٹی فورسز اور آر ایس ایف کے درمیان جاری خانہ جنگی نے لاکھوں افراد کو بے گھر کر دیا ہے اور غذائی قلت اور طبی سہولیات کے فقدان کی وجہ سے حالات مزید خراب ہو رہے ہیں۔

دریں اثنا، اقوام متحدہ نے تمام فریقوں سے تشدد بند کرنے اور شہریوں کو تحفظ فراہم کرنے کی اپیل کی ہے۔ اس کے لیے انہوں نے عالمی برادری سے فوری مدد بھی مانگی ہے۔

ہندوستھان سماچار

---------------

ہندوستان سماچار / عبدالواحد