سرینگر، یکم نومبر (ہ س)۔ ریاستی تحقیقاتی ایجنسی (ایس آئی اے) کشمیر نے آج ایک اہم پیشرفت کے بعد نارکو دہشت گردی کیس میں ایک اہم ہینڈلر کو سری نگر شہر کے بیمینہ علاقے سے گرفتار کیا ہے۔ پولیس کی طرف سے جاری کردہ ایک بیان میں، ملزم بشارت علی ولد محمد صادق ساکن تاڑ کرناہ کپواڑہ گزشتہ تین سالوں سے ایس آئی اے کشمیر کی ایف آئی آر نمبر 19/2022 میں گرفتاری سے بچ رہا تھا۔ بیان میں کہا گیا ہے کہ یہ مقدمہ پاکستان کے زیر اہتمام نارکو ٹیرر سے متعلق ہے۔نشہ آور اشیاء کی فروخت سے حاصل ہونے والی رقم جموں و کشمیر میں دہشت گردی کو برقرار رکھنے کے لیے استعمال کی گئی تھی۔ بشارت چوتھا اشتہاری مفرور ہے۔جسے اس کیس میں گرفتار کیا گیا ہے اور ایجنسی اس کی گرفتاری کے ساتھ اس کیس کے مزید پنوں کو کھولنے کے لیے پر امید ہے۔ اس میں مزید کہا گیا ہے کہ اس سال ایس آئی اے کشمیر نے منشیات کی دہشت گردی کی لعنت کو ختم کرنے کی اپنی کوششوں میں متعدد کامیاب آپریشن کیے ہیں، جس کے نتیجے میں دہشت گرد تنظیموں کے کچھ اہم کارندوں کو گرفتار کیا گیا ہے۔ہندوستھان سماچار

ہندوستان سماچار / Aftab Ahmad Mir