پٹنہ، یکم نومبر (ہ س)۔ بہار کے مکامہ میں جن سوراج کے حامی دلارچند یادو کے قتل نے اپوزیشن کے لیے انتخابی مسئلہ فراہم کر دیا ہے۔ سابق وزیر اعلیٰ رابڑی دیوی نے ہفتہ کے روز اس معاملے کو لے کر ریاست کی نیشنل ڈیموکریٹک الائنس (این ڈی اے) حکومت کو نشانہ بنایا۔ رابڑی دیوی نے اپنے بڑے بیٹے تیج پرتاپ کے بارے میں بھی اپنے خیالات کا اظہار کیا۔

پٹنہ میں ہفتہ کے روزنامہ نگاروں سے بات کرتے ہوئے رابڑی دیوی نے کہا کہ جب غریبوں کا راج ہوتا ہے تو لوگ اسے جنگل راج کہتے ہیں، لیکن جب اقتدار کے تحفظ میں جرم ہو تو اسے کیا کہا جائے گا؟ اس دوران رابڑی دیوی نے بہار انتخابات اور سیاست پر کھل کر بات کی۔ پہلی بارانہوں نے اپنے بڑے بیٹے تیج پرتاپ یادو کے بارے میں عوامی طور پر بات کی۔

صحافیوں نے پوچھا کہ کیا وہ اپنے بڑے بیٹے کے خلاف مہم چلائیں گی۔ رابڑی دیوی نے جواب دیا، وہ دل سے میرا بیٹا ہے، لیکن اسے پارٹی اور خاندان دونوں سے نکال دیا گیا ہے، اس لیے میں اپنے خاندان اورپارٹی کے خلاف نہیں جاؤں گی۔ میں اس کے لیے مہم نہیں چلاؤں گی، لیکن میں چاہتی ہوں کہ وہ الیکشن جیتے۔ وہ اپنے پیڑوں پر کھڑا ہے اور اسے بہار میں کام کرنے کا پورا حق ہے۔

دونوں بھائیوں کے درمیان جاری سیاسی اختلافات کے بارے میں انہوں نے کہا کہ خاندان میں کچھ ہوسکتا ہے ، لیکن بھائی ۔ بہن ایک ہی ہیں۔ جن کے پاس گھر نہیں وہ دوسروں کے گھروں میں لڑائی لگواتے ہیں۔ اس دوران رابڑی دیوی نے تیجسوی پر اعتماد کا اظہار کرتے ہوئے کہا کہ ایک بار جب وہ کسی چیز کے لیے اپنا ذہن بنا لیتا ہے تو وہ اسے پورا کرتا ہے۔جیسے انہوںنے گزشتہ 17 مہینوں میں کرکے دکھایاہے۔

انہوں نے ریاست کے لوگوں سے اپیل کی کہ وہ پانچ کلو راشن کے بہکواے میں نہیں آئے ۔ تیجسوی نے ریاست کے لوگوں سے اپنا وعدہ پورا کیا ہے، اور اب بہار کے ہر گھر میں سرکاری نوکریاں پہنچیں گی۔

ہندوستھان سماچار

ہندوستان سماچار / Mohammad Afzal Hassan