مشرقی چمپارن، یکم نومبر (ہ س)۔بہار قانون ساز اسمبلی کے عام انتخابات2025 کے پرامن، آزاد اور منصفانہ انعقاد کو یقینی بنانے کو لیکر ہفتہ کے روز پولیس آبزروراور ایس ایس بی کے ایڈیشنل ڈائریکٹر جنرل آف پولیس (اے ڈی جی پی) نے ضلع مجسٹریٹ سوربھ جوروال اور سپرنٹنڈنٹ آف پولیس سورن پربھات کے ساتھ ایک جائزہ میٹنگ کی۔میٹنگ میں انتخابات سے تین دن قبل بھارت-نیپال بین الاقوامی سرحد کو مکمل طور پر سیل کرنے کی ہدایات دی گئیں۔ میٹنگ کے بعد یہ اطلاع دی گئی کہ انتخابات کے لیے تمام راستوں اور ہندوستان-نیپال سرحد کے ساتھ 64 چوکیوں پر سخت چوکسی برقرار رکھنے کے لیے ضروری فورس کو تعینات کیا گیا ہے۔سرحد پار سے غیر قانونی نقل و حرکت، شراب، نقدی اور قابل اعتراض مواد کو لیکر زیرو ٹالرنس کی پالیسی اپنائی جا رہی ہے۔ بتایا گیا کہ ضلع مجسٹریٹ اور پولیس سپرنٹنڈنٹ سیکورٹی انتظامات کی نگرانی کے لیے ضلع کے تمام اہم راستوں کا مسلسل معائنہ کر رہے ہیں۔ مثالی ضابطہ اخلاق کی سختی سے تعمیل پر خصوصی توجہ دی جارہی ہے۔ کسی بھی خلاف ورزی کی اطلاع ملنے پر فوری کارروائی کی جاتی ہے۔ تمام متعلقہ حکام کو ہدایت کی گئی ہے کہ وہ جرائم پیشہ کے خلاف سخت اور فوری ایف آئی آر درج کریں۔

ضلعی انتظامیہ نے عوام سے اپیل کی ہے کہ وہ انتخابی عمل میں تعاون کریں اور کسی بھی مشکوک سرگرمی کی اطلاع فوری طور پر انتظامیہ کو دیں۔

ہندوستھان سماچار

ہندوستان سماچار / Mohammad Afzal Hassan