نائجیریا میں خطرے میں ہے مسیحی مذہب - ٹرمپ کا بڑا دعویٰ، خصوصی نگرانی کا حکم
واشنگٹن، یکم نومبر (ہ س)۔ امریکی صدر ڈونالڈ ٹرمپ نے جمعہ کو دعویٰ کیا کہ نائجیریا میں مسیحی برادری کے لوگ وجود کے بحران کا سامنا کر رہے ہیں۔ انہوں نے اسلامی شدت پسند تنظیموں پر مسیحیوں کے قتل عام کا الزام لگاتے ہوئے نائجیریا کی خصوصی نگرانی کرنے کو کہا ہے۔ ٹرمپ نے کہا کہ جب مسیحی برادری سے تعلق رکھنے والے لوگ ایسے بحران کا سامنا کر رہے ہیں تو امریکہ خاموش نہیں بیٹھ سکتا۔ انہوں نے کہا کہ ہم دنیا بھر میں مسیحی آبادی کو بچانے کے لیے تیار، خواہشمند اور قابل ہیں۔
امریکی صدر ٹرمپ نے ٹروتھ سوشل پر پوسٹ شیئر کرتے ہوئے کہا کہ نائجیریا میں مسیحی مذہب وجود کے خطرے کا سامنا کر رہا ہے۔ انہوں نے دعویٰ کیا کہ ہزاروں کی تعداد میں مسیحی مارے جا رہے ہیں۔ اس کے لیے انہوں نے شدت پسند اسلامی تنظیموں کو ذمہ دار ٹھہراتے ہوئے نائجیریا کی خصوصی نگرانی کا حکم دیا۔ امریکی صدر نے کانگریس رکن ریلے مور اور سینٹ کمیٹی کے چیئرمین ٹام کول کے ساتھ مل کر اس معاملے کی جانچ کر کے رپورٹ دینے کی درخواست کی۔
امریکہ خصوصی نگرانی کی فہرست میں ان ممالک کو رکھتا ہے جو اس کے مطابق مذہبی آزادی کی سنگین خلاف ورزیوں میں ملوث ہیں۔
ہندوستھان سماچار
---------------
ہندوستان سماچار / انظر حسن
