بیجنگ،یکم نومبر(ہ س)۔چین کے صدر شی جن پنگ نے اعلان کیا ہے کہ 2026ءکا ایشیا پیسیفک اکنامک کوآپریشن (ایپک) اجلاس چین کے جنوبی شہر شینڑن میں منعقد ہوگا۔یہ اعلان جنوبی کوریا کے شہر گیونگجو میں رواں سال کے ایپک اجلاس کے اختتام پر ہینڈ اوور تقریب کے دوران کیا گیا ہے جہاں عالمی رہنما بھی موجود تھے۔چینی صدر شی جن پنگ نے کہا کہ چین میزبان ملک کی حیثیت سے خطے کے ممالک کے ساتھ مل کر ترقی اور خوشحالی کے نئے راستے کھولنے کے لیے کام کرے گا۔صدر شی نے مزید کہا کہ خطےمیں طویل مدتی ترقی اورخوشحالی صرف مشترکہ وڑن کے ذریعے ہی حاصل کی جا سکتی ہے، چین مصنوعی ذہانت (AI)، ڈیجیٹل اکانومی اور جدید ٹیکنالوجی کے دیگر شعبوں میں بھرپور تعاون کو فروغ دے گا۔ہندوستھان سماچار

ہندوستان سماچار / Mohammad Khan