अंतरराष्ट्रीय

Blog single photo

پاکستان میں جوش و خروش کے ساتھ دیوالی منائی گئی

15/11/2020

اسلام آباد ، 15 نومبر (ہ س)۔ پاکستان کے شہر کراچی میں ہندو برادری کے لوگوں نے دیوالی منائی۔ اس دوران ، انہوں نے کورونا وائرس کی روک تھام کے لئے جاری کردہ معیاری آپریٹنگ طریقہ کار کا بھی خیال رکھا۔
ایک ہندو لڑکی پوجا نے بتایا کہ یہ تہوار چراغوں ، لائٹس اور پٹاخوں کا ہے۔ آپ دیکھ سکتے ہیں کہ بچے ، جوان اور بوڑھے سب اس تہوار کو منانے میں خوشی محسوس کررہے ہیں۔
ان کا مزید کہنا تھا کہ ہم بھی یہاں اس تہوار کو منانے آئے ہیں۔ ہم یہاں مختلف پینٹنگز اور نمونے دیکھنے آئے ہیں۔ میرایقین ہے کہ رنگوں سے کھیلناخون سے کھیلنے سے کئی گنا بہتر ہے۔ کراچی میں سوامی نارائن مندر کو بھی روشن کیا گیا تھا۔
ایک خاتون گیتا کماری نے کہا کہ ہم کووڈ19کے معیاری آپریٹنگ طریقہ کار کو اپناتے ہوئے دیپاﺅلی منارہے ہیں۔ اس تہوار میں ہم خدا سے دعا مانگ رہے ہیں کہ جلد سے جلد اس وبا سے نجات مل جائے۔
یہ خیال کیا جاتا ہے کہ بھگوان رام (بھگوان وشنو کا ساتواں اوتار) نے راون کو مارنے اور 14 سال جلاوطنی مکمل کرنے کے بعد ایودھیا واپس آنے کے بعد دیوالی منایاتھا۔
تب سے ملک و دنیا کے لوگ اپنے گھروں کو سجانے ، ایک دوسرے کو تحائف دیتے ہوئے اور خدا سے دعا مانگ کر یہ تہوار مناتے ہیں۔ یہ تاریکی پر روشنی کی فتح ، برائی پر بھلائی کی فتح ، اور جہالت پر علم کی فتح کا تہوار ہے۔
ہندوستھان سماچار


 
Top