मनोरंजन

Blog single photo

سنجے دت کی آنے والی فلم ' ٹورباز ' کاٹریلرجاری

21/11/2020

سنجے دت کی آنے والی فلم ' ٹورباز ' او ٹی ٹی پلیٹ فارم پر ریلیز ہونے والی ہے۔ اس فلم میں سنجے دت کے علاوہ نرگس فاخری اور راہول دیو بھی اہم کردار میں ہیں۔ ہفتے کے روز ،فلم میکرز نے فلم کا ٹریلر جاری کیا ، جسے اداکار سنجے دت نے مداحوں کے ساتھ ٹویٹر پر شیئر کیا ۔ 
فلم کے ٹریلر کا آغاز سنجے دت سے ہوا ہے ، جو پناہ گزین کیمپ میں بچوں کے لئے کرکٹ ٹریننگ کیمپ کھولنا چاہتے ہیں۔ مووی کا ٹریلرمیں سنجے دت کوجہاں ایک کرکٹ کوچ کے طور پر دکھایاگیاہے ، وہیں راہول دیو کو دہشت گرد تنظیم کامکھیاکے طور پر دکھایاگیاہے۔ 
ٹریلر میں دکھایا گیا ہے کہ سنجے دت کرکٹ کے ذریعے بچوں کو بندوق اور دہشت سے دور رکھنے اور بچوں کو خودکش بمبار بننے سے روکنے کی کوشش کر رہے ہیں۔ فلم کے ٹریلر کو سوشل میڈیا پر خوب پسند کیا جارہا ہے۔ فلم کے ہدایتکار گیریش ملک ہیں اور فلم رواں سال 11 دسمبر کو نیٹ فلکس پر نمائش کے لئے پیش کی جائے گی۔
سنجے دت کی یہ دوسری فلم ہے ، جو او ٹی ٹی پلیٹ فارم پر ریلیز ہورہی ہے۔ اس سے قبل سنجے دت کی فلم روڈ 2 ریلیز ہوئی تھی ، جسے شائقین کی جانب سے اچھا ردعمل نہیں ملا۔ فلم ٹورباز کے علاوہ سنجے دت کی آنے والی فلموں میں بھج: دی پرائیڈ آف انڈیا ، شیر شاہ ، پرتھویراج ، کے جی ایف باب 2 وغیرہ شامل ہیں۔
ہندوستھان سماچار


 
Top